Hera Pheri” mein Hui Baburao ki Wapasi – Akshay Kumar ke Saath Suljha Mamla, Tikadi Phir Se Dekhi Jaayegi Jald Cinema Gharon Mein.
Bahut dino se “Hera Pheri 3” ko lekar Paresh Rawal aur film ke makers ke beech anban ki khabrein aati rahi hain. Paresh Rawal ne khud apne Twitter handle par confirm kiya tha ki woh “Hera Pheri 3” ka hissa nahi honge.
Is mamle mein dono taraf se court case bhi hua tha, lekin na Akshay Kumar, na Suniel Shetty, aur na hi Paresh Rawal ne kabhi ek doosre ke khilaaf kuch bura kaha. Darshak is baat se niraash zarur hue the, lekin umeed chhodi nahi thi.
Ab Paresh Rawal ne ek interview mein khud ye kaha hai ki woh “Hera Pheri” mein wapas aa rahe hain. Jaise hi unka interview saamne aaya, social media par darshakon ne apni khushi zahir ki. Logon ne kaha ki woh bahut utsahit hain phir se teeno ko ek saath dekhne ke liye.
Ab jab Paresh Rawal ne “Hera Pheri” mein apni wapasi ki pushti kar di hai, toh unka kehna hai ki sabhi milkar mehnat karenge aur darshakon ko ek shandar film ka tofa denge.